Miami Heat është vetëm një fitore larg kurorëzimit si kampion në NBA, pas fitores në ndeshjen e katërt përballë Oklahoma City Thunder duke çuar rezultatin e përgjithshëm në 3-1

Miami Heat të cilët vitin e kaluar pësuan në finale nga Dallas Mavericks pas gjashtë ndeshjeve, u udhëheqën nga treshja fantastike James-Wade-Chalmers.

James kontribuoi me 26 pikë, Wade shtoi 25 të tjera, po aq sa realizoi edhe Mario Chalmers, por 12 nga to erdhen në çerekun final, që ndikuan shumë në fitoren e tyre.

Te Oklahoma City Thunder, as shifra marramendëse prej 43 pikëve qe realizoi Russell Westbrook nuk ishin të mjaftueshme për të shpëtuar nga humbja.